FACE 週刊 117 期 $21,000 直落 Lavina 深圳 坐枱
2009年08月19日
o靚模肯剝不過快睇厭，趁住仲有市場價值，梗係要用到盡，有搵錢捷徑唔怕行。
內地富豪除咗對香港豪宅興趣大，原來對陀地 o靚模亦有興趣入兩手。上週六（ 15日） Lavina（鍾蕙芝）上深圳行騷做嘉賓，實情就收 21,000蚊直落陪老細飲酒坐枱，踩入北方佳麗群中爭食，仲醒到私自匿入房派咭片自我介紹，意圖避開中間人抽佣。
可惜 Lavina走精面舉動激嬲中間人，事後中間人更對本刊大爆：「佢匿埋喺房 20分鐘！」暗指蠱惑廿分鐘有搞鬼， Lavina則堅稱：「俾人知做援交就玩完，我一定唔會做！」
夜晚陪酒
上週六（ 15日）， Lavina日頭喺深圳做完騷，夜晚再踩落內地製作公司內的私竇陪大陸有錢人飲酒，現場開頭確有人捉住 Lavina密密斟，但其後發現本刊記者及被中間人插完私自派咭片後， Lavina便乖乖自己坐埋一邊，未夠 12點就走人。
暗派咭片
Lavina戰鬥格，又俾人話暗中派咭片搵老闆，事後仲俾人插到冇晒心機，結果 Bowie搵咗架中港 7人車送佢返香港。
Lavina搏命搵錢為養家，曾自言：「我唔係雞……唔會做出賣自己嘅嘢！」照咁睇陪人飲吓酒應該唔算。《蘋果日報》圖片
鬧完走人
上週六（ 15日） Lavina出席新戲《功夫王》發布會兼女演員選拔比賽，第一次上深圳行騷搵食嘅 Lavina原來喺內地都有市場，投資《功》的歐尚文化傳播公司出到$21,000請 Lavina北上，咁高價據知原來大陸有老細一早睇中佢。據知情人士說：「出得 2萬 1蚊仲包埋佢（ Lavina）私家車來回喎，梗係有要求啦！除咗行騷， Lavina仲應承我哋完騷去食飯同 after party，佢身材好兼呢排紅，有幾個揸法拉利嘅國內企業家都對 Lavina好有興趣。」講明要搏命搵錢養家， Lavina見高價一於照殺唔介意。
私竇直擊
北模任揀
排隊等 call
個個有價
據知 Lavina今次行騷連夜晚 party陪老細收費$21,000，而師妹 Rainbow因為未夠秤唔飲得酒，所以行騷價收$8000，其餘唔使陪酒嘅 o靚模就收$4,000至$6,000不等。
左起：
Lanvia$21,000（包去 party）
Rainbow$8,000
右起：
Daisy$3,000
李蘊$6,000
E cup baby$4,000
顏后君$3,000
香港奀模 Daisy當晚除咗陪內地客飲酒外，中間人 Bowie亦不時撩 Daisy飲酒，難得 Daisy唔介意飲酒猜枚乜都玩一餐。 Daisy更踢爆 Lavina當晚在 VIP房向班老細派咭片，激到中間人 Bowie紮紮跳。
Bowie：佢匿喺房成 20分鐘，同大陸老闆派咭片自薦！
奀模 Daisy：佢（ Lavina）即場派咭片，叫啲老闆有嘢做可以直接聯絡佢。
日做嘉賓
未落 party前， Lavina碼住 Rainbow做嘉賓，佢哋經理人 Admond火滾話：「慶功點會慶咁耐呀，當晚 Lavina都有打畀我，我都覺得好奇怪，點解要叫佢陪老細坐，我覺得俾中間人跣囉。」
匿埋派咭片
果然當日 Lavina行完騷陪埋班老細食晚飯，再直落夜場先至係戲肉。據當晚有份去 after party嘅香港 o靚模 Daisy話：「 Lavina好識做，食完飯大概 8點鐘，我哋上咗間公司嘅私人 party房玩，冇幾耐我見 Lavina入咗其中一間房，裏面有幾個大陸老闆，佢仲即場派咭片，叫啲老闆有嘢做可以直接聯絡佢，不過俾 Bowie見到，佢同 Lavina講『唔好再派自己咭片』， Lavina先停手。」
身為中間人嘅香港 model公司老闆 Bowie亦爆話：「 Lavina匿喺房成 20分鐘，同大陸老闆派咭片自薦，我話完佢之後出番房，見佢粒聲唔出坐埋一邊，好似好唔開心咁，咪叫車送佢返香港囉！之後啲老闆都好唔滿意，猛咁問 Lavina點解 11點就走，好多老闆都想同佢玩耐啲！」
其實 Lavina未呆坐前，本刊記者曾目擊 Lavina同 4個穿恤衫內地男人吹水，不過 Lavina超醒目，不久已發現有記者在場，更主動跟記者打招呼說：「你哋記者嚟 o架？有乜嘢你都可以搵我經理人 o架，我同你哋公司都好熟！」主動洗脫嫌疑。
北模唔收錢
除咗港模，現場亦有內地搞手召來大約 40位北方佳麗助興，據知當晚到場嘅北方佳麗為博搵張長期飯票同有機會拍戲，大部分係陪酒陪傾偈一蚊都唔收，上台循例行完「 catwalk」後，便有人帶埋老細枱「再傾」。對於涉嫌搵快錢， Lavina就話：「我個 job係要去埋慶功嘅，不過我去到都覺得有啲唔妥，見到有啲女仔坐埋去唔知做乜，我派咭片係因為有兩個自稱係電影公司老闆嘅人想搵我做嘢，我只係派我經理人嘅咭片。好彩有個男助手陪我，唔係真係嚇死我，做我哋呢行畀人知做援交就玩完，我一定唔會做！」
E cup baby鬥 Rainbow
叫暫停
成班 o靚模齊齊北上搵食，本應姊妹同心抗國產女，可惜 Lavina跟 Rainbow同 E cup baby一向唔多妥，所以上到深圳都一人一句互寸對方， E cup baby就話對方：「着衫暴露啫！」 Rainbow都彈番句：「做人要謙虛啲！」實行模咬模骨唔使畀面。
右：啲人着衫暴露啫！真實對白
中：做人要謙虛啲！真實對白搵幫拖
本來三個 o靚模齊齊喺台上影合照，但 E cup baby見二揪一好蝕底，所以無啦啦嗌暫停，拖埋好姊妹李蘊（左）上台影， 2鬥 2公平啲。
北模加腳
港模內鬥，班主場北模亦乘機踩多兩腳，睥到 E cup baby行一行仲話：「乜咁矮都可以做模特兒 o架！」寸開人嘅 baby俾人反寸，報應咯！
曹查理鬧冇禮貌
E cup baby喺活動上撞到港產三級片經典代表曹查理，曹查理講笑話想搵 Baby拍三級片，點知孖住契爺（左）嘅 Baby一句話：「吓，三級片我唔拍喎！」講完轉頭走，事後曹查理話：「家陣啲 o靚模咁冇禮貌，冇 o架啦， o靚模好快玩完！」
《聊齋之艷蛇》劇照
o靚模好快玩完！真實對白
o靚模搵食流程
香港 o靚模除咗靠接 job搵正路錢，但如果囡囡想賺快錢一樣有淫媒可以搭路，不過只限大家見吓面飲吓酒，想有下文就要再科水啦！
老闆中 老闆先中某位女星，再搵淫媒介紹認識。
淫媒搭路 淫媒開價，傾掂後再搵女星傾、淫媒再從中賺取差價和佣金。
女星見面 傾掂價後，女星先收一半訂金，飯局後再畀埋另一半，一般現兜兜收 cash，避免有手尾跟。
下文再加 一般女星或模特兒最多食吓飯陪吓飲酒，如果想有下文，老闆會再叫淫媒探路，一般奀模會收多 4至 5千蚊，一樣係要現金交易。
香港都有鐵竇
內地富豪喺公司內搞私人 party房玩得繽紛又放心，其實香港亦一樣有鐵竇提供 o靚模和三、四線女星，據知其中一間位於灣仔一商業大廈內，該店更有 o靚模相簿提供客人揀女，有傳美味天使之一嘅藍莓（劉俐）亦係相中人，坐枱價收$2,500。
藍莓坐枱價$2,500《蘋果日報》圖片
